Monday, September 20, 2021

“რომანტიზმის ეპოქის საფორტეპიანო სონატები” - ნაწილი IV

 ავტორი: კომპოზიციისა და მუსიკოლოგიის ფაკულტეტის მე-3 კურსის სტუდენტი,


სპეციალური ფორტეპიანოს კათედრამ ციკლის ბოლო, რიგით მეოთხე კონცერტზე (ვიდეო ჩანაწერის სანახავად გადადით ბმულზე; 2021 წლის 2 აპრილი, კონსერვატორიის მცირე დარბაზი) წარმოადგინა ბრამსის პირველი და განმეორებით, ლისტის სი მინორული სონატა. კონცერტის ორივე მონაწილე ასოც. პროფ. ნინო ქათამაძის კლასიდანაა.  

იოჰანეს ბრამსი (1889) და ფრანც ლისტი (დაახლ.1880)

ბაკ. IV კურსის სტუდენტმა გიორგი შიოლაშვილმა, გადაგვიშალა 19 წლის იოჰანეს ბრამსის შინაგანი სამყაროს ერთ-ერთი გვერდი, პირველი სონატის (C-dur, თხზ.1) მეშვეობით ( თუ დაინტერესდებით, ამ სონატის სტილისტურ და შემოქმედებაში „ფუნქციის“ საკითხს ერთ-ერთ ბლოგში ვეხები; იხილეთ ბმული აქ). რა მომეწონა შესრულებაში? დინამიკური და აგოგიკური ნიუანსების „ადგილმდებარეობა“, მათი ისეთი „განლაგება“, რაც ერთიანი ფორმის აღქმას უწყობდა ხელს. განსაკუთრებით სასიამოვნო მოსასმენი გახდა II და IV ნაწილები. მიზეზი? ბგერა, ბგერის ის შეფერილობა, როგორზე ნაკლებითაც არც უნდა შესრულდეს აღნიშნული სონატა.

“რომანტიზმის ეპოქის საფორტეპიანო სონატები” - ნაწილი III

 ავტორი: კომპოზიციისა და მუსიკოლოგიის ფაკულტეტის მე-3 კურსის სტუდენტი,


ფრანც შუბერტი
იოსებ აბელის ფერწერა. 1814
                              მეორე ნაწილი 

მესამე კონცერტი (2021 წლის 31 მარტი, კონსერვატორიის მცირე დარბაზი) რომანტიზმის სათავეებთან - ფრანც შუბერტის შემოქმედებასთან გვაბრუნებს. ფრანც შუბერტი მისი სათაყვანებელი ბეთჰოვენის პერიოდში მოღვაწეობდა, კომპოზიტორისა. რომლის გვიანი პერიოდის შემოქმედებაც რომანტიზმის ნიშნებითაა გამსჭვალული. ამდენადვეა პირველი რომანტიკოსის შემოქმედება კლასიცისტური ელემენტებით გაჯერებული. თუ დავუკვირდებით, შუბერტი - რომანტიკოსია საფორტეპიანო მინიატურებში, სასიმღერო მუსიკითა და მერვე სიმფონიით. მისი სხვა ნაწარმოებები - კანტატა-ორატორიული ქმნილებანი, დანარჩენი სიმფონიები, ანსამბლების აბსოლუტური უმრავლესობა და მათ შორის, სონატებიც - ეს კლასიცისტი კომპოზიტორის ნამუშევრებია. ამგვარად, შუბერტი დიდი წინაპრებისა და დიდი თანამედროვის მსგავსად, სიმფონისტიცაა. ღრმად მწამს, რომ ეს საფორტეპიანო სონატები “ნამდვილო სიმფონიებია ფორტეპიანოსთვის”: შინაარსის სიღრმე, გამჭოლი განვითარების დრამატურგია, სტრუქტურა, საორკესტრო ხმოვანება - ეს შუბერტის სონატების ის თვისებებია, ჰაიდნის, მოცარტისა და ბეთჰოვენის მსგავსად, განზოგადებული ამბის თხრობაში რომ ეხმარება კომპოზიტორს.

“რომანტიზმის ეპოქის საფორტეპიანო სონატები” - ნაწილი II

  ავტორი: კომპოზიციისა და მუსიკოლოგიის ფაკულტეტის მე-3 კურსის სტუდენტი,

ფრედერიკ შოპენი (1849); ფრანც ლისტი

 პირველი ნაწილი 


“რომანტიკული სონატების” ციკლის მეორე კონცერტზე (ვიდეო ჩანაწერის სანახავად გადადით ბმულზე; 2021 წლის 29 მარტი, კონსერვატორიის მცირე დარბაზი) სპეციალური ფორტეპიანოს მიმართულებამ შემოგვთავაზა ფრედერიკ შოპენისა და ფრანც ლისტის - იმ კომპოზიტორების სონატების, რომელთაც საფორტეპიანო ხელოვნება ახალ ხარისხში აიყვანეს და თუკი  შოპენი ფორტეპიანოს ჟღერადობით იფარგლება, ლისტი საკრავს საორკესტრო ხმოვანებას ანიჭებს.

Monday, August 2, 2021

ამბავი მენესტრელთა და ბასკერთა, ანუ ქუჩა, როგორც სცენა ისტორიული პერსპექტივიდან

 ავტორი: ირინა დუმბაძე
ხელმძღვანელი - პროფესორი მარინა ქავთარაძე

ავტორმა ამ თემაზე მოხსენებები წარადგინა:

 - 2021 წლის კონსერვატორიის სტუდენტთა სამეცნიერო საზოგადოების კონფერენციაზე 

- 2021 წლის შოთა რუსთაველის სახელობის კინოსა და თეატრის სახელმწიფო უნივერსიტეტის სტუდენტთა მე-14 კონფერენციაზე 


თუ მიგიქცევიათ ყურადღება, საღამო ხანს  ქალაქიდან ოდნავ შემაღლებულ ადგილას თბილისის სხვადასხვა კუთხიდან როგორ მოაქვს ნიავს მუსიკის ჰანგები? ზაფხულის ერთ საღამოს, როდესაც ასეთ ვითარებაში აღმოვჩნდი, ჩემდა უნებურად დავფიქრდი ქუჩის მუსიკაზე, როგორც კონტრკულტურის ერთ-ერთ განშტოებაზე - რა ფენომენია ეს, რა დატვირთვა აქვს, რა ადგილი უჭირავს სოციუმში,

Thursday, July 22, 2021

კვოდლიბეტის საკომპოზიტორო ტექნიკა

 ავტორი: ნინა ცაცანაშვილი

 უხსოვარი დროიდან კომპოზიტორები თავიანთ შემოქმედებაში მიმართავდნენ ეპოქის ჟღერადი ფონდის პოპულარულ მელოდიებს, ხალხურ სიმღერებს, საცეკვაო მუსიკას. აღსანიშნავია, რომ აღორძინების ეპოქაში კომპოზიტორის უნარი შეეთავსებინა რამდენიმე მანამდე არსებული მელოდია ერთ ნაწარმოებში, ითვლებოდა კონტრაპუნქტული ტექნიკის ფლობის უმაღლეს ოსტატობად. სწორედ ამიტომ, აღორძინების ეპოქაში, პრაქტიკულად, ყველა საკომპოზიციო ტექნიკა წარმოადგენდა წერას მოცემული პირველწყაროს - cantus prius factus (ადრე შექმნილი ჰანგი) - ის მიხედვით. სწორედ ასეთი ტექნიკით იწერებოდა კვოდლიბეტი.

კვოდლიბეტის საკომპოზიტორო ტექნიკისათვის დამახასიათებელი ნიშნები პირველად აღწერილია გერმანელი მუსიკის თეორეტიკოსის, კომპოზიტორისა და ორგანისტის – მ. პრეტორიუსის ნაშრომში - „მუსიკის მოწყობა III“ („Syntagma MusicÜh III“) [Lampl, 1957] [1].

2021 წლის სტუდენტთა სამეცნიერო საზოგადოების კონფერენცია


    2021 წლის 3 ივნისს, თბილისის სახელმწიფო კონსერვატორიის სტუდენტთა სამეცნიერო საზოგადოების ყოველწლიური სტუდენტური კონფერენცია გაიმართა (ორგანიზატორი - საზოგადოების ხელმძღვანელი, ქ.-ნი ქეთევან ბოლაშვილი). 
 კონფერენციაში კონსერვატორიის სხვადასხვა საფეხურისა და სპეციალობის 11 სტუდენტი იღებდა მონაწილეობას, შეგიძლიათ გაეცნოთ მათ მოხსენებებს:

მაცხოვრის სახე-სიმბოლოები იოანე დამასკელის ქრისტეშობის კანონის ქართულ თარგმანებში

ავტორი - ეკატერინე ყაზარაშვილი 
მოხსენება მომზადებულია თბილისის სახელმწიფო კონსერვატორიის 
სტუდენტთა სამეცნიერო საზოგადოების
 
2021 წლის სტუდენტური კონფერეციისათვის.
 
კომპოზიციისა და მუსიკოლოგიის ფაკულტეტი, საეკლესიო მუსიკოლოგია, დოქტორანტი.
ხელმძღვანელი - მოწვეული პროფესორი ია ღადუა



ჰიმნოგრაფია სინკრეტული ჟანრია, რომელსაც ნათლად გამოხატული საღვთისმეტყველო/სამოძღვრო და ესთეტიკური დანიშნულება აქვს - ამაშივე შედის მუსიკალური ხორცშესხმაც. ის აერთიანებს ეგზეგეტიკის, პოლემიკის და ჰომილეტიკის ასპექტებს. ჰიმნოგრაფს შეუძლია ნებისმიერი იპოდიგმური თუ პარადიგმული მონაცემის გამოყენებით შეარჩიოს სიმბოლო-ალეგორია, მხატვრული ხერხი, ასოციაცია და სახეთა პარალელიზმი, რათა საკუთარი განწყობა, ემოცია მიიტანოს მსმენელამდე, თუმცა ამ სიმბოლოების მიღმა უზარმაზარი ინფორმაცია განიჭვრიტება, რომელიც ლიტურგიკული ცნობიერების მქონე შემოქმედსა და აღმქმელს მოითხოვს(ღადუა; 2009:140).